ഒരു കൊറോണക്കാലം
നാളുകളേറെ കഴിഞ്ഞാൽ ഇങ്ങനെയൊരുകാലത്തിലൂടെ ലോകം കടന്നുപോയിരുന്നുവെന്ന് വിശ്വസിക്കാൻ പോലും പ്രയാസപ്പെടും.
നാളുകളേറെ കഴിഞ്ഞാൽ ഇങ്ങനെയൊരുകാലത്തിലൂടെ ലോകം കടന്നുപോയിരുന്നുവെന്ന് വിശ്വസിക്കാൻ പോലും പ്രയാസപ്പെടും.
ഇന്ന് 2020 ഏപ്രിൽ മാസം 6 തിങ്കളാഴ്ച
അൽപ്പം മുമ്പ് ന്യൂജേഴ്സ്ഇയിലെ ബിനു കുര്യാക്കോസ് വിളിച്ചിരുന്നു.
ന്യൂയോർക്ക് കഴിഞ്ഞ് ഇപ്പോൾ കോവിഡ്-19 ന്റെ ഹോട് സ്പോട്ടുകളായി മാറുകയാണത്രെ അരിസോണയും ന്യൂ ജേഴ്സിയും.
അമേരിക്കയിലാകെ ഇതുവരെ 9500 കഴിഞ്ഞു മരണം.
ഓരോ മിനിട്ടിലും മൂന്നുപേരുവീതം മരണപ്പെടുന്നുവെന്നാണ് കണക്ക്.
മൂന്നരലക്ഷത്തിലേറെയാണ് രോഗബാധിതർ.
ഏറ്റവും പുതിയ കണക്കുകൾ രേഖപ്പെടുത്താം ..... സെക്കന്റുകളുടെ വ്യത്യാസത്തിൽ അവ പെരുകിയിട്ടുണ്ടാവും.
മരണം 71,000 --- ഇറ്റലിയിൽ മാത്രം 16000
സ്പെയിൻ - 13000
അമേരിക്ക - 9500
ഫ്രാൻസ് - 9000
UK - 5000
ഇറാനും ചൈനയും നാലായിരത്തിനടുത്തു.
ഇന്ത്യയിൽ അയ്യായിരം രോഗികൾ ------ 120 മരണം.
ഖത്തർ 1600 രോഗികൾ 4 മരണം.
കേരളത്തിൽ 314 രോഗികൾ ---4 മരണം.
ഇന്ത്യയിൽ കേരളത്തിലാണ് ആദ്യം വൈറസ് എത്തിയത്. ചൈനയിലെ വുഹാനിൽ നിന്ന് വന്ന വിദ്യാർത്ഥിക്ക് ജനുവരി 30 , 2020 വൈറസ് സ്ഥിരീകരിച്ചു.
മാർച്ച് 12 ന് കർണാടകയിൽ ആദ്യത്തെ മരണം സ്ഥിരീകരിച്ചു.
മാർച്ച് 16 ന് ഇന്ത്യയിൽ എല്ലാ വിദ്യാഭ്യാസസ്ഥാപനങ്ങളും മാളുകളും അടച്ചു.
മാർച്ച് 18 ന് cbse പരീക്ഷകൾ നിർത്തി വച്ചു.
മാർച്ച് 22 ന് ജനതാ കർഫ്യൂ
മാർച്ച് 24 ന് ലോൿഡൗൺ --- 21 ദിവസത്തേക്ക്.
കൊറോണ വൈറസ് പുതിയ രൂപത്തിൽ കോവിഡ് - 19 എന്ന ബ്രാൻഡ് നെയിമോടെ അവതരിക്കപ്പെട്ടിരിക്കയാണ്.---- കൊറോണ വൈറസ് ഡിസീസ് 2019 അതാണ് പൂർണ രൂപം.
ചൈനയിലെ വുഹാൻ ആണ് ഉത്ഭവ കേന്ദ്രം.
ഞാൻ ഇപ്പോഴും ഖത്തറിൽ തന്നെയാണുള്ളത്.
29 ഫെബ്രുവരി യിലാണ് ആദ്യത്തെ വൈറസ് രോഗി ഖത്തറിൽ ഉണ്ടാവുന്നത്. പിന്നെയങ്ങോട്ട് തുടർച്ചയായ ഉയർച്ച ആയിരുന്നു.
ഇവിടെ മാർച്ച് ഒമ്പതിനാണ് സ്കൂളുകൾ അടച്ചത്.
മാർച്ച്പത്താം തീയതിമുതൽ നാട്ടിൽ നിന്നുള്ള ഫ്ലൈറ്റ് റദാക്കി.
മാർച്ച് 11 ന് ഒറ്റ ദിവസം 238 രോഗബാധിതർ ആയതോടെ ഇൻഡസ്ട്രിയൽ ഏരിയ സ്ട്രീറ്റ് 1 മുതൽ 32 വരെ അടച്ചു.
മാർച്ച് 18 ന് പള്ളികൾ അടച്ചു.
സൗദി യാണെങ്കിൽ മാർച്ച് 4 മുതൽ തന്നെ ഉംറ തീർത്ഥാടനം വിലക്കിയിരുന്നു.
ഘട്ടം ഘട്ടമായി നിയന്ത്രണങ്ങൾ വരികയായിരുന്നു....
ഹോട്ടലുകൾ അടച്ചു.. മാളുകൾ, ബീച്ചുകൾ , പാർക്കുകൾ എന്ന് വേണ്ട ആളുകൾ ഒത്തു കൂടുന്നത് പോലും വിലക്കി.
നാട്ടിൽ പുറത്തിറങ്ങിയാൽ പോലീസ് പിടിവീഴുമെന്ന സ്ഥിതിയാണ്.
പുതിയൊരു ലോകക്രമത്തിലേക്ക് കാര്യങ്ങൾ മാറുകയാണ്.
രണ്ടാം ലോക മഹായുദ്ധത്തിനു ശേഷം ലോക സമ്പദ് ഘടനയിലും രാഷ്ട്രീയത്തിലും ഇത്രയേറെ സ്വാധീനം ചെലുത്തിയ വേറൊരു സംഭവമില്ല.
അത്തരമൊരു അനുഭവത്തിലൂടെ കടന്നു പോകുമ്പോൾ ഭാവിയിലെ തിരിഞ്ഞു നോട്ടത്തിനു സഹായകമാവാനാണ് ഇത്രയും കുറിച്ചത്.